A silent message to all the muslims

Is shehr ki kiya main bat karun

Kabi yeh Rangoon ki nagri thi

Her qoum mazhab k logon ki

Yehi tou amber dharti thi

Aj log firkon k naam pe

Haathon mai uthaye khanjar hen

Yun jaanain gawan ker humne

Is mulk kou tou na manga thaa!!

                       FASHION KA BARHTA HUA RUJHAAN

Pakistan ek islami mulk hai jis main nazariyaat ki buniyaad bhi islami usulon ko mad-e-nazar rakhete huay ki gayi hai, mager aaj kal taleemi idaaron main fashion ka barhta hua rujhaan bohat agay nazar aata hai jin main universities, colleges aur institute waghera shamil hain aur is k saath hi larkion ka fashion se bharpor dress bhi shamil hai. Chand din pehle nijji tv channel ke ek program main Lahore girls college ke bahar ka manzar dikhaya gaya, us manzar main college ke bahar larkon ke mandlanay ka manzar dikhaya gaya aur wo ye kaa, apne deegar kaamon ko chor ker bohat mazay se kerte nazar atay hain aur jab larkion se poocha gaya to unhone in baton per nagawari zahir kern eke bajaye ulta is ko tafreeh ka zariya qarar diya aur “time pass” ka naam diya, aur ye sab kuch duniya k saamne aaya jisko puri duniya ne dekha aur suna. Mager sochne ki baat to ye hai k kiya hum itne ziada modern ho gaye hain aur modernism ke naam per apni riwayaat aur tehzeeb ko bhula bethe hain, ager hum is tarhan modern hain ke hamare nojawan larkion ko cherte hain,unpe rah chakty comments karty hain, aur peecha kerte hain aur hamari larkion ko ye sab entertainment lagta hai to intehayi afsos k saath ye baat kehna paregi ke hum sab jis main khususan hamari nojawan nasal, hamara muaashra, waalden aur hamara mulk tabahi ke raaste per hain. Ye modernism nahi ke hamara muaashra jo ke islami hai, kiya in ki ijazat deta hai? Kiya hamari riwayaat aur iqdaar humko in raabton ki ijazat deta hai? Hamari nasal kis raaste per chal rahi hai? Hamare waalden apne bachon ki kiya tarbiyat ker rahe hain? Kiya walden apne bachon aur bachion ko gher se nikalte waqt dekhte hain jab wo gharon se bahar taleem hasil kerne aur kaamon ke liye nikalti hain?

To kiya ye waalden ka farz nahi ke wo apne bachon ko gher se nikalte waqt dekhen aur kiya ye taleemi idaaron ki intizaamiya ka farz nahi ke wo aise qawaid-o-zawabit banayen ke tulba-o-talibaat muhazzib huliye main nazar aayen aur hukumat ko chahiye ke wo bhi is silsilay main khas iqdaamaat kare aur baqaida tamam taleemi idaaron main aisi policy tarteeb di jaye jis per sakhti se amal kiya jaye. Hamare asaatza per bhi bhaari zimmedari aaid hoti haike inko chahiye k wo tulba aur talibaat ke kirdaar per khususi tawajjoh den. In main sab se ehem kirdaar media ka hai mager afsos ke hamare media per aaj kal jis tarhan ke program dikhaye jate hain ager aap morning show ki misaal le len to tamam morning shows umuman mezbaan dupatta se aari hoti hain aur ager is per awaz uthayi jaye to isko media per pabandi ka naam diya jaata hai aur media ki azaadi main rukawat kaha jata hai.

Lehaaza hukumat aur intizaamiya ki zimmedari hai ke wo hamari mazhabi iqdaar ko sar-e-aam kerne ke liye iqdamaat kare aur mazhabi iqdaar, muaasharti iqdaar aur riwayaat ko barqarar rakhne ke liye iqdamaat kare aur taleemi idaaron ke bahar mandlaate nojawano ki aisi lagaam lagaye ke wo aainda is bare main sochen bhi nahi.

              KHAWATEEN PER TASHADDUD KAB TAK?

Aurat, khua beti, behen, biwi, maa k roop main huay baghair insaani muaashra na-mukammal hai. Islam main aurat ko intehayi buland muqaam diya gaya hai, beti hai to waalden k liye rehmat, Maa hai to is k qadmon talay jannat rakh di gayi hai. Wo Pakistan jahan aurat 2 martaba wazeer-e-azam muntakhib hui. Bani-e-Pakistan Quaid-e-Azam Muhammad Ali Jinnah ki hamsheera ne bhi maidan-e-siyasat main khoob naam khamaya aur Rana Liaquat Ali ko Governer Sindh k aala martabay per bhi fa’iz kia gaya. Aurat ne sabit kiya ke mard ki tarhan aurat bhi kisi tor per kam ehmiyat ki hamil nahi hai mager is k bawajood “Pakistan ka matlab kiya La ilaha illallah Muhammad ur Rasool Ullah” ke naaray oper hasil kiye gaye is mulk ke buniyadi faraiz k maamlay main hamesha nazar andaaz ki gayi. Aksar dehaati aur qabaili nizaam main basne wali aurat per aaj bhi dor-e-jahliyat ke rasm-o-riwaj ka itlaaq kia jata hai. Wani aur kar-o-kari jesi qabeeh rasm, gang rape, zana bil jabar, jabri mushaqqat, maar peet, bachion ki marzi k khilaad shadi, izzzat k naam per qatal, wirasat se mehroomi aur rupay pase ke haq mehr jese gher munsifana, zaalimana iqdamaat aur jahilana rasm-o-riwaj se Islam aur Pakistan ki aalmi satah per ghalat  hai jab ke Shariyat-e-Islamia aur Sharayi qawaneen se in rasoom-o-riwaj ka dor ka bhi wasta nahi. Bal ke ye sab kuch Islam ko badnaam kerne ki Ghinaoni sazish ke hai, afsos is baat ka hai ke ease  darinday masoom kaliyon ki masal dete hain mager qanoon ke rakhwaly aisay darindon ki girift main nahi la sakte. Itni qanoon saazi aur NGOs , civil society ke bawajood itni bari tadaad main tashaddud ke waqiyaat ka samne aana surat-e-haal ki sangeeni ki goor-o-fikar ka baiz hai. punjab main muasharti ziat’tion ka nishana banne wali khawateen ko panah faraham kerne k liye qaim kiye gaye dar-ul-amano main mutasira khawateen ki tadaad gunjaish se dugni hone ki waja se mehakma-e-social welfare aur mutaasra khawateen ko mushkilaat ka saamna kerna parh raha hai. Suba-e-punjab samet Pakistan ke deegar subon  main khawateen ke saath tashaddud ke waqiyaat hote rehte hain, baaz oqaat halaat thanay, kachehri tak pohanchte hain uar mutasira khawateen ko apni zindagi bachane k liye adalat ka darwaza khatkhatana parta hai. Adalaten apne faislon main mutasira khawateen ko tahafffuz faraham kerne k liye dar-ul-amaan mai dakhil kerne ka hokum deti hain,dar-ul-amaano main adalaton ki taraf se bheji jane wali khawateen aur bachon ki tadaad gunjaish se ziada hai. Sarkari afsraan ke mutabuq har dar-ul-amaan main ek waqt main kam az kam 50 khawateen ko panah faraham ki jasakti hai laikin surat-e-haal  is ke bar-aks hai aur taqreeban har dar-ul-amaanmain ek waqt main takreeban 90 se ziada khawateen rehti hain.Bad-qismati ki baat ye hai ke aurton ke khilaad jarayim ki sharah main roz bar oz izafa horaha hai jo ke HAW’WA ki beti ke sath hone wali saiyati or kissi gunnah se kam nahi hai.

PARADISE ON EARTH CHITRAL

 


Chitral suba khyber pakhtun khwa ka aik zila   hai.Chitral pakistan ke intehai shumali konay par waqay hai.Raqbay ke lihaz se ye subay ka sub se barla zila hai.Ye zila tarich mair ke daman main waqay hai.Jo k koha hindukush ke baland tareen choti hai.Is ke sarhadain china aur afghanistan ke wakhan ke pati se milti hai.Jo usay wast asia k mumalik se juda karti hai.Reyasat k is hisay ko baid main zila ka darja diya gia, aur  suba khyber pakhtoon khwa ke malakand division se munsalik kia gia. Apnay munfarid gurafiyai mahla woqugh ke wajah se is zila ka rabta mulk k digar hison se taqriban panch mahinay tak munqata rehta hai.Chitral main 17 zabanain boli jati hai.Yahan k logon ki madri zaban khowar hai.Is ki   abadi 4 lac nufus per mushtamil hain.Ye khita apni purkashash saqafati aur sayahati nuqta-e-nazar ki wajah se buhat ahmiyat ke hamil hai.Yahan ke rahnay walon main aksariyat musalman hain,lakin kafiristan yani kalash qabilay ke log non muslim hain .
 

Chitral anay ke dou rastay hain.Aik fazai dusra zameni,fazai rastay k zariay ap Peshawar aur Islamabad se PIA ki flight se chitral ja saktay hai.Jo k rozana service datay hai.Aur barasta lawari tunnel ke zariay Peshawar se Chitral 366 km ka safar buses se taiy kartay hain.Lawari tunnel 8.75km lambi zera tameer        surang hai.Jis per kam ka aghaz 8,september1975 ko hua tha.Magar fund ki kami aur kuch aur wajuhat ki bina per ye kam agay na barl saka,aur dubara sabiq sadar Pervaiz Musharraf ke daur main kam ka aghaz kia gia.Jo k 2014 main mukamal ho jaiy ga.Is k baid Peshawar aur Chitral k darmian fasila 14 ghantay kum ho jaiy ga.

Chitral main phel baksrat  paiy jatay hain.Jin main taqriban her qasum ki phel shamil hain.Yahan ki dry fruits puri dunaya main mashur hain.






Khalon ke hawalay se b Chitral ka aik alag aur munfarid maqam hai. Yahan taqriban her qasum k khail khailay jatay hain.Magar polo yahan ka sub se purana aur rivayati khail hai.Jo k her sal 7 se 9 July ko Shandur k muqam per Chitral aur Gilgit ki teamon k darmian khala jata hai.isKo dakhnay kalia mulki aur ghair mulki sayah atay hain.Shandur polo ground dunia ki sub se buland tareen polo ground hai,is ki bulandi 3,800 meters  hai.


                        Shandur polo festival

Aik sayahati  ilaqa hona ki wajah se yahan per pura sal mulki aur ghair mulki  sayah atay rehtay hai.Yahan per thernay k lia buhat saray hotels moujud hain,In main serfehrist PTDC shamil hain.Yahah per aur b bohat saray tarikhi imaratain hain.Jin main badashahi mosque shahi qila chitral musuam shamil hain.

 
                           PTDC Motel Booni Chitral




        Lady Diana Chitral ke douray k moqay per Chitrali dress mai



Taleem k lihaz se b ye zila suba ke digar azla main sub se agay hain.2003,ki servay k mutabaq yahan literacy rate 98 %. thi.Aur halia servay k mutabaq 100%  hai.Jo k suba main sub se ziyada hai.Yahan per taleem ke maidan  main private sector govt sector ke shana bashana kam kar raha hai.Is silsilay main AKESP Agha khan education service pakistan aur G.D lang land school aur college  qabila  tahseen hai.Ye school 1979, main  G.D lang  land na Sayurj public school k nam se shuru kia tha, jo baid main un k khadmat k itaraf  main un k nam se munsalik kar dia gia.


 
 G.D lang land with new principal of G.D lang land school and college

Moujuda waqt main Chitral main dou Universities hain,shaheed Benazir Bhutto aur Abdul Wali Khan,ye donon taleemi  idaray b Chitrali talib elmoon ke elmi piyas bhujanay main masruf-e- amal hain.

Isi tarah sihat k shubay main b Aga Khan Health Service aur govt sector milka kam kar raha hain.
Chitral main sardion ki ba nisbat garmion main kam barish hoti hai.Sardion main yahan rat ke waqt temp-10c. tak pohanj jati hai.Yahan sardion ke mosum main teen se  char mahinay  lagatar  barfbari hoti hain.

                                Chitral me barfani mosam

Yahan k log intihai jafakash aur mehnati hai,aur nihat sada zindagi guzarti hai.Aur behad mehmannawa hain.






               A craft man